Parlamenti Evropian, rezolutë të posaçme për liderin bjellorus

Parlamenti Evropian ka deklaruar se lideri bjellorus Alexander Lukashenko është bashkëfajtor me presidentin rus Putin në kryerjen e krimeve të luftës në Ukrainë.

Në një rezolutë të miratuar nga ligjvënësit, Gjykatës Ndërkombëtare Penale i bëhet thirrje të lëshojë një urdhër për arrestimin  e tij.

Sipas rezolutës, Lukashenko i ka mundësuar Rusisë të vijojë luftën e saj të pajustifikueshme dhe rrjedhimisht mban përgjegjësi direkte për shkatërrimin e Ukrainës.

Gjithashtu, në një padi më vete, Bjellorusia akuzohet se ka luajtur një  rol edhe në depërtimin e fëmijëve ukrainas nga territoret e tyre drejt zonave të pushtara nga trupat ruse.

Padia i referohet në veçanti komisioneres ruse për fëmijët, Maria Lvova Belova, e cila kërkohet tashmë  nga Gjykata Ndërkombëtare Penale.

Për pasojë, euro-deputetët kërkojnë aplikimin e të ashtuquajturave sanksionet “pasqyrë” ndaj Bjellorusisë, njësoj me ato të vendosura ndaj Rusisë.