Blendi Çeka nga Data Centrum komentoi gjetjet e Barometrit në matjet e treta për Tiranën lidhur me pëlqyeshmërinë për liderët dhe partitë.

Matja e tretë politike për Qarkun e Tiranës na tregon se si ka ndryshuar mendimi i qytetarëve dhe preferencat e tyre për politikanin që është më i përshtatshëm për të qenë Kryeministër dhe partinë më të përshtatshme për të qeverisur vendin.

Në këto matje Edi Ramën e shohin të përshtatshëm për Kryeministër 40.1% e të pyeturve, ndërsa Partinë Socialiste si më të përshtatshme për të qeverisur 41.8 %.

Sipas Çekaj, në matjet e Barometrit është hera e parë që Edi Rama është më poshtë në pëlqyeshmëri për të qenë kryeministër në raport me PS si parti për të qeverisur.

“Ajo që më bën përshtypje është momenti i parë që Rama është më poshtë se partia, përgjithësisht ka qenë disa pikë më lart dhe ka  tërhequr partinë, edhe Berisha e ka PD më lart por ky nuk është momenti i parë. Elementi i dytë është se të dyja subjektet kryesore janë në një realitet të ri kësaj radhe se janë mësuar të kenë vetëm njëra tjetrën përballë. Realiteti i sotëm, kemi shumë subjekte te reja dhe të gjitha këto subjekte janë agresivë brenda votuesve të dy subjekteve kryesore”, tha ai.