Pas 48 orësh normalizohet situata në fshatin Progër të bashkisë Devoll

Pas 48 orësh nën pushtetin e ujërave, situata në fshatin Progër të bashkisë së Devollit është normalizuar. Për dy ditë me radhë, uji depërtoi deri në banesat e banorëve, duke e bërë të pamundur lëvizjet e tyre dhe duke izoluar zonën.

Në terren u angazhuan punonjës të ndërmarrjes së shërbimeve të bashkisë Devoll, emergjencat civile, forcat e ushtrisë dhe shërbimi zjarrfikës, të cilët punuan për të rikthyer gjendjen në normalitet.

Gjatë ditës së sotme, banorët kanë ndërhyrë me forcat e tyre për të larguar inertet nga oborret e banesave dhe për të pastruar rrugicat e fshatit.

Sipas specialistëve, përmbytja në Progër është shkaktuar nga ujërat e burimeve të malit të Thatë, nga ku shtrihet fshati. Një situatë e tillë raportohet të ketë ndodhur për herë të parë në 40 vitet e fundit.

LEXONI GJITHASHTU:

• Vjosa në ditën e 4 të krizës: Fshati Fitore në rrezik nga kanalizimet e tejngopura
• Rritja e prurjeve në Devoll: HEC-i i Moglicës hap portën e shkarkimit