Pas ngjarjes në Gramsh autoritetet të ruhen për sulme të reja, paralajmëron eksperti

Bedri Elezi, ekspert sigurie u shpreh se ngjarja në Gramsh mund të jetë një rast i pastër spiunazhi ku shtetasit rus dhe ukrainas i kanë bërë qëllimisht këto veprime për të marrë vëmendjen e autoriteteve.

Sipas Elezit, në këto kushte autoritetet duhet të hetojnë rastin, por dhe të shtojnë vëmendjen ndaj bazave të tjera që mund të sulmohen dhe që janë me interes.

Ai këshilloi përmes një interviste në Euronews Albania të orientohen të gjithë kapacitetet për të siguruar provat e nevojshme që këta persona të hetohen penalisht për spiunazh.

“Unë mendoj që autoritetet e sigurisë në Shqipëri duhet të jenë vigjilentë sepse këto veprime shpesh herë mund të jenë veprime të mirorganizuara për të shkaktuar incidente ndërkombëtare,” – u shpreh eksperti.

LEXONI GJITHASHTU:

• Blogerë apo spiunë? 5 zhvillimet nga ngjarjet në Gramsh dhe Poliçan