Pas Ramës dhe Metaj kritika për Lelin: Ritëm të ulët pune, qeveria ka investuar

Deputeti i Partisë Socialiste, Ilir Metaj ka kritikuar Kryebashkiakun e Vlorës Dritan Leli për  punën e tij gjatë mandatit të tretë të forcës së tyre politike.

Në një intervistë për Euronews Albania, Metaj theksoi se Leli ka pasur një ritëm pune të ulët në krahasim me investimet që ka bërë qeveria në këtë bashki.

“Ne nuk kemi ndonjë rrugë të ndarë apo të ndryshuar, ne jemi PS dhe kemi objektivin tonë të Integrimit të Shqipërisë në BE, dhe Vlora ka një rol jo të vogël në këtë objektiv. Kushdo që do na ndjekë në këtë objektiv është një forcë e shtuar.

Bashkia e Vlorës ka pasur disa ngërçe jo të justifikueshme dhe një ritëm pune të ulët krahasuar me ritmin e madh të investimeve që ka bërë qeveria. Janë bërë investime të jashtëzakonshme, por mungon rezultati”- theksoi Metaj.

Edhe vetë kryeministri Edi Rama, disa herë ka kritikuar Lelin në lidhje me punën e tij si kryetar bashkie.

LEXONI GJITHASHTU: 

• Kush do të kandidojë në Vlorë? Deputeti i PS zbulon detaje për zgjedhjet lokale
• Amnistia fiskale, Nikolin Jaka: Të konsultohet me grupet e interesit
• 30 mijë euro për t’i vendosur tritol biznesmenit, kalon në gjykim dosja ndaj Cukalit