Pas tensioneve për flamurin e Shqipërisë së Madhe, Kurti takohet me Kovaçevskin

Pas një tensionimi të mardhenieve me vizitën në Tetovë, të kryeministrit të Kosovës Albin Kurti, ku u shfaq dhe flamuri i Shqiperisë së Madhe, Viena  ka bashkuar kryeministrin e Maqedonisë së Veriut, Dimitar Kovacevski, dhe homologut të tij kosovar.

Në takimin me Kurtin u rikonfirmuan angazhimet e Maqedonisë së Veriut dhe Kosovës për thellimin e bashkëpunimit të ndërsjellë me qëllim të thellimit dhe forcimit të mëtejshëm të marrëdhënieve të mira fqinjësore, me fokus bashkëpunimin ekonomik.

Kovaçevski dhe Kurti diskutuan edhe për bashkëpunimin në fushën e energjetikës dhe konfirmuan se integrimi i tregjeve rajonale të energjisë elektrike dhe puna e mëtutjeshme aktive në drejtim të sigurimit të diversifikimit dhe qëndrueshmërisë së burimeve të energjisë është me rëndësi kyçe.

Bashkëbiseduesit shkëmbyen mendime për situatën në rajon, duke iu referuar dialogut Prishtinë-Beograd dhe ranë dakord se çelësi i progresit të Ballkanit Perëndimor është zgjidhja paqësore e çështjeve të hapura rajonale, si dhe intensifikimi i bashkëpunimit të ndërsjellë, që është një kontribut për stabilitetin dhe prosperitetin e të gjithë rajonit.

Kryeministri Kurti e njoftoi homologun e tij mbi qëndrimin e Qeverisë së Republikës së Kosovës se nënshkrimi i marrëveshjeve do të nënkuptonte pranim, e për rrjedhojë edhe garanci për zbatim të plotë të Marrëveshjes Bazike dhe Aneksit Zbatues, njofton ekzekutivi.

LEXONI GJITHASHTU:

• Kurti: Fqinjët e Serbisë nuk janë të sigurt, kjo të merret parasysh në Bruksel
• Kurti refuzon Lajçak, zbulon pse nuk u takua me përfaqësuesin special të BE