Pasojat e dy barazimeve , Shqipëria humbet pozicione në renditjen e FIFA-s

Barazimet në dy ndeshjet e fundit të luajtura nga kombëtarja shqiptare kanë sjellë pasojat e tyre, me kuqezinjtë të cilët kanë humbur 2 pozicione në renditjen e përgjithshme të FIFA-s.

Pavarësisht se ato nuk janë publikuar ende në faqen zyrtare, projeksioni i bërë nga football ranking tregon se ekipi ynë humbet 2.8 pikë, duke shkuar në total me 1373 të tilla, që e rendisin atë pas përfaqësueseve si Burkina Faso, Emiratet e Bashkuara Arabe dhe Gjeorgjia.

Një renditje e tillë sjell në kujtesë kuqezinjtë e udhëhequr nga Edoardo Reja, me luhatje të vazhdueshme dhe përkeqësim në renditjen e përgjithshme të FIFA-s. Shqipëria barazoi ndaj një kundërshtari si Serbia që në këtë renditje mban vendin e 32, por më tepër peshë ka hapi fals ndaj Letonisë e cila mban pozicionin e 137 në FIFA, madje duke u ngjitur me 1 pozicion sipas projeksionit të football ranking.

Arritje pozitive për Kosovën e cila forcon pozitat e saj me 2 vende pas rezultateve të fundit të marra. Dardanët janë në vendin e 95 me 1247 pikë, një rritje e ndjeshme që prej momentit kur ekipin e drejton tekniku Franko Foda.

LEXONI GJITHASHTU:

• VIDEO/ Zhgënjim në Letoni, Kombëtarja nuk shkon më shumë se barazimi 1-1
• Derbi i Ballkanit mbyllet në paqe 0 – 0, Shqipëria dhe Serbia ndajnë pikët