English

“Pastor po justifikon vetëvrasjen?” Pano-Kollçakut: S’mund të bëjmë me faj viktimën

KOMENTE

SHPERNDAJE
ARTIKULLIN

Text sizeAa Aa

Pastori Akil Pano dhe psikologia Ina Kollçaku ishin këtë të hënë të ftuar në “Now me Erla Mëhillin” në Euronews Albania, ku folën për rastin e rëndë të ndodhur në Shkodër ku Alma Arrazi u vetëmbyt në lumin Buna së bashku me tre fëmijët e saj të mitur.

- Advertisement -

Pastori tha se janë disa dimensione ato të cilat e kanë shtyrë 29-vjeçaren të ndërmarrë një akt të tillë, si tradhtia, ekonomia mungesa e mbështetjes. Ai tha se në momentin që ka kryer aktin e rëndë ajo ka qenë në një gjendje jashtëzakonisht të rënduar psikologjike, ndaj sipas tij ajo nuk duhet të bëhet me faj për shkaktimin e vdekjes së fëmijëve të vegjël.

Kjo deklaratë e pastorit e bëri psikologen Kollçaku të reagonte duke thënë se pastori nuk duhet të justifikojë vetëvrasjen në televizion. Ajo tha se gjithashtu nuk e bën me faj gruan, por sipas saj viktimë e aktit të rëndë janë tre fëmijët e mitur.

Pjesë nga debati në studio:

Akil Pano: Një grua e tradhtuar, nëse bën kompromisin të jetojë me bashkëshortin që e tradhton, çdo ditë ajo zvogëlohet në qenien e saj. Ju lutem mos bëni me faj gruan. Unë nuk them të bëni me faj burrin, por situata është e tillë, që edhe Zoti vetëvrasjen në kushtet kur psika njerëzore vjen në limitet e saj të fundit, ku njeriu nuk është më në gjendje të arsyetojë si një qenie racionale, por në përballje me traumën dhe me tragjedinë…

Ina Kollçaku: Këto janë mësimet e reja të Kishës, paska thënë Zoti të shikoj njëherë çrregullimin pastaj… Ky është justifikim. Pastor po justifikon vetëvrasjen në televizion, e kupton çfarë po bën?

Akil Pano: Më lejoni ta përfundoj.

Ina Kollçaku: Ti na akuzove se po fajësojmë viktimën. S’po e bën njeri.

Akil Pano: Unë po them se edhe Zoti nuk e bën me faj viktimën, në rastin kur ajo ëhstë krejtësisht e traumatizuar dhe ka humbur logjikën.

Ina Kollçaku: Domethënë ti thua që të gjithë këta vrasës deri më tani ti thua t’i justifikojmë se mund të jenë çmendur?

Akil Pano: Këtë po e thoni ju, unë s’po them këtë.

Ina Kollçaku: Këtë po e thua ti.

Akil Pano: Jo unë po them se nëse bëni me faj viktimën, po e vrisni për herë të dytë.

Ina Kollçaku: Kush është viktima?

Akil Pano: E ndjera.

Ina Kollçaku: E ndjera që ka shkaktuar tre vrasje?

Akil Pano: E ndjera bashkë me fëmijët.

Ina Kollçaku: Mos janë fëmijët viktima?

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Euro 2024| A mendoni se Shqipëria do të mund ta kalojë grupin e “ferrit” në kampionatin Evropian?