PD: Buxheti 2024, buxheti i shkatërrimit dhe denigrimit të arsimit  

Partia Demokratike denoncoi projekt-buxhet e vitit 2014 për ulje drastike të shifrave të financimit në sektorin e arsimit.

Deputetja dhe anëtarja e kryesisë së PD, Eralda Tase Bano tha në një deklaratë për mediat në vitin 2024, në tërësi sektori i arsimit do të shkoj vetëm 2.3% të GDP

“Shifrat e financimit në arsimin e lartë, mbështetja për studentët, pedagogët dhe kërkuesit shkencor ka qenë në nivele mjaft të ulëta. Ne jemi vendi më i varfër me koston më të lartë të studimeve në fushën e Mjekësisë që ka ndonjë universitet publik në Evropë. Po ju sjellim vetëm dy shembuj: Në Universitetin e Mynihut tarifa vjetore është 250 euro, ndërsa në Francë vetëm 128 euro. Në këtë buxhet nuk na thuhet sesa do të jetë paketa mbështetëse e pretenduar për studentët e Mjekësisë dhe të programeve prioritare. Nuk na thuhet përse u ndryshuan rregullat për dhënien e pagës bazë për studentët e sipërpërmendur? Nuk na thuhet në këtë buxhet sesa do të jetë rritja e pagave të pedagogëve? Nuk është pasqyruar në këtë buxhet, sesi do të bëhet kontrolli i plagjaturave i premtuar dhe programuar që në 2018, me “Paktin për Universitetin”, kur do të kemi së paku një kampus universitar, sa laboratorë e biblioteka do të jenë në shërbim të pedagogëve, studentëve dhe kërkuesve shkencor?” tha ajo.

Prandaj mund të themi me plotë  gojën që,  ky është buxheti i mjerimit, shkatërrimit dhe denigrimit të plotë arsimit të lartë dhe kërkimit shkencor, pasi qeveria kurrë nuk e ka patur dhe nuk e ka arsimin sektor prioritar.

LEXONI GJITHASHTU:

• Si do u hetohet pasuria politikanëve? Juristi i PD tregon detajet
• Deputetja Gjylameti përplaset fizikisht me deputeten e PD