PD dorëzon nesër në Kuvend projektligjin për ndarjen territoriale me 94 bashki

Ditën e nesërme në orën 09:00, Partia Demokratike do të dorëzojë në Kuvend projektligjin për ndryshimet e ndarjes territoriale, së bashku me materialin shoqërues dhe hartat me 94 bashki.

Dorëzimi do të bëhet nga deputetët demokratë, të cilët janë pjesë e Komisionit të Reformës Territoriale.

Pas dorëzimit të projektligjit,  bashkëkryetarja e Komisionit te Reformës Territoriale, Dhurata Çupi do të ketë komunikim me median.

Partia Demokratike, doli dje me propozime konkrete, sa i takon ndarjes së re administrative.

Ekspertët e opozitës, kanë prezantuar raportin final, ku kërkojnë shtimin me 33 bashki, pra 94 bashki në total, nga 61 që janë aktualisht. Ata kanë kërkuan gjithashtu, ndarje në 3 ose 6 rajone.

LEXONI GJITHASHTU

• 33 bashkitë e reja që PD-ja propozon për hartën e re territoriale
• Drafti final për reformën territoriale, PD kërkon shtimin e 33 bashkive
• Reforma territoriale, Çupi: Mazhoranca thotë se nuk ka ekspertizën, tenton ta shtyjë