PD kërkoi përjashtimin e Ballës nga parlamenti, çfarë vendosi Sekretariati i Etikës

Sekretariati i Etikës i mbledhur këtë të hëne, ka rrëzuar kërkesën e PD-së, e cila kërkonte përjashtimin nga parlamenti për 30 ditë të kreut të grupit parlamentar të PS, Taulant Balla.

Kërkesa e PD-së i referohet seancës së fundit plenare, ku palët u përfshinë në debat ndërsa deputetët e opozitës e akuzuan Ballën se iu drejtua atyre me termin fyes “zagarë”.

Kujtojmë që Partia Demokratike, tre ditë më parë, dorëzoi kërkesën për përjashtimin me 30 ditë të Taulant Ballës, me pretendimin se ai ka përdorur gjuhë joparlamentare ndaj opozitës.

Kërkesa për përjashtim u firmos nga deputetët Belind Këlliçi, Tomorr Alizoti, Ivi Kaso, Enno Bozdo, Elda Hoti, Bardh Spahia, Jorida Tabaku, Igli Cara, Vangjel Dule, Brunilda Haxhiu, Bujar Leskaj, Luan Baçi, Ina Zhupa, Denisa Vata, Klevis Balliu, Erisa Xhixho, Tedi Blushi dhe të tjerë.

LEXONI GJITHASHTU:

• Avokati i Popullit, Balla i tregon opozitës firmat: Po talleni me kandidatët
• Balla: PS asnjë emër për Avokat të Popullit, do mbështesim kandidatët e opozitës
• Protesta para Kryeministrisë, reagon Balla: Sot kishte edhe më pak krushq