PD kërkon më shumë kohë për debate në Parlament, mblidhet konferenca e kryetarëve

Para seancës plenare të së enjtes u mblodh konferenca e kryetareve për shqyrtimin e kërkesës së PD në lidhje me zhvillimin dhe përcaktimin e kohës së debatit për raportimet e organeve kushtetuese dhe atyre të krijuara me ligj

Grupi parlamentar i Partisë Demokratike, kërkon 4 orë debat për çdo raport. Kjo për të respektuar piken 3  të nenit 48 të rregullores, e cila kufizon se në çdo rast nuk mund të ketë me pak se 10 minuta për një grup parlamentar.

Mazhoranca kërkon 120 minuta për çdo raport, por kjo bie me kundërshtim me nenin 48, pasi grupeve te vogla parlamentare i bie vetëm 6 minuta kohe për çdo raport.

Në fund është vendosur që të jetë 3 orë koha e debatit për çdo raport që do të paraqitet sot në Parlament.

LEXONI GJITHASHTU:

• Flet Kushtetuesja për ngërçin në Kuvend: Grupi serb duhet të propozojë kandidatin
• Berisha takon Presidentin e Asamblesë Parlamentare të Këshillit të Evropës