PD kundër ndryshimeve kushtetuese që ndalojnë koalicionet zgjedhore

Anëtari i Kryesisë së Partisë Demokratike, Enkelejd Alibeaj ka kundërshtuar propozimin e opozitës parlamentare bërë me dije ditën e premte për ndryshime kushtetuese, ndryshime sipas së cilave kërkohet ndalimi i koalicioneve zgjedhore dhe sistem zgjedhor me lista të hapura.

Në një postim në Facebook, Alibeaj e ka cilësuar propozimin të ardhur nga mazhoranca duke nënkuptuar se “opozita parlamentare komandohet nga qeveria”.

“Fillimisht Rama deshi t’i vidhte zgjedhjet me njerëzit e shtetit që i ka të punësuar, duke i shitur si komisionerë të depolitizuar. I ngeci sharra në gozhdë! Tashmë po përpiqet që në zgjedhje të mos lejojë opozitën të paraqitet e bashkuar!” – shkroi në Facebook, Alibeaj.

Opozita parlamentare ka kërkuar ndryshimin e 2 neneve të Kushtetutës për të mundësuar që deputetët të zgjidhen me sistem proporcional me konkurrim rajonal, shpërndarja e mandateve të bëhet me prag zgjedhor mbi 5 për qind dhe të mos lejohen koalicionet parazgjedhore. 

Lexoni gjithashtu:

Opozita parlamentare propozon ndryshim të Kushtetutës për lista të hapura dhe ndalim koalicionesh parazgjedhore

Sekretari amerikan i Shtetit, Pompeo: Palët të konkretizojnë marrëveshjen zgjedhore

Rama apel Bashës: Bëhu pjesë e negociatave me opozitën parlamentare

Opozita parlamentare i paraqet Ruçit kundërshtitë për marrëveshjen e reformës zgjedhore

Kundërshtitë për reformën zgjedhore, Paloka: Pjesë e dështuar teatrale e regjisorit kryeministër