Pasditen e sotme në orën 17:00 do të mblidhen drejtuesit politikë të qarqeve të Partisë Demokratike.

Kjo është mbledhja e parë pas caktimit nga Kryesia dhe pas përcaktimit të aksionit politik për 4 muajt në vijim në Këshillin Kombëtar të PD-së.

Mësohet se pjesa e parë e takimit do të jetë publike, ku do të mbajë fjalën e tij edhe kryetari i PD-së, Sali Berisha, i cili ndodhet në ‘arrest shtëpie’.

Më pas mbledhja do të vijojë me dyer të mbyllura ku do të vijohet me diskutimet mbi aksionin politik.

Mbledhja vjen teksa ditën e sotme u mbajt Asambleja e Partisë Socialiste, gjatë të cilës u caktuan edhe drejtuesit politikë të qarqeve.

Duket se këto zhvillime tregojnë se palët politike po përgatiten për zgjedhjet parlamentare të vitit 2025.

LEXONI GJITHASHTU:

• Drejtuesit e PD në qarqe, kush nuk u prek dhe pse mungojnë zonjat demokrate
• Mbledhja me dyer të mbyllura e Këshillit Kombëtar të PD, zbardhen diskutimet