Partia Demokratike, do të mbajë këtë të hënë protestën e radhës në kuadër të asaj që ajo e cilëson si mosbindje civile. Ajo do të jetë e ngjashme me protesën e fundit, ku drejtues dhe mbështetës të PD-së dhe aleatëve opozitarë do të vendosen në disa prej kryqëzimeve kryesore në Tiranë.

Euronews Albania mëson se protestat do të mbahen në rrugën pranë Bashkisë së kryeqytetit, në rreth-rrotullimin e “Zogut të Zi”, në sheshin “Willson”, “Pallati me Shigjeta”, dhe kryqëzimi i “Rrugës e Elbasanit”, pranë xhamisë së “Namazgjasë”.

Ora zyrtare e nisjes së protesës është ora 17:00, kur do të nis dhe bllokimi i nyjeve kyçe të kryeqytetit.

Në të gjitha këto vendndodhje, do të ketë drejtues të Partisë Demokratike, që do të udhëheqin protestuesit, të cilët me skenarin e planifikuar pritet të bllokojnë rrugët lidhëse. Për herë të parë pas një viti, do të jetë në krye të tubimeve edhe Sali Berisha, pas lirimit të tij nga arresti shtepiak.

LEXONI GJITHASHTU:

• Apeli i Berishës 1 ditë para protestës: Të ngrihemi si studentët në vitin 1990
• Berisha: Tituj të shumtë për Parashqevi Simakun, po injorohen problemet e qytetarëve