PD u dërgon udhëzim strukturave lokale për hartën e re territoriale

Partia Demokratike këtë të enjte iu ka shpërndarë degeve të saj në rrethe që të angazhohen në procesin e konsultimit dhe hartimit të ndarjes së re territoriale në kuadër të punës së komisionit të posaçëm që është ngritur në Parlament.

Sipas udhëzimit, strukturat e partisë do të organizojnë dëgjesa me komunitetet lokalë ndërsa brenda datës 15 prill duhet të zhvillohen mbledhjet e kryesive në çdo degë për të diskutuar variantet e mundshme te reformës.

Udhëzimi i plotë:

Ky udhëzim ka për objekt angazhimin e strukturave të Partisë Demokratike, në bashkëpunim me ekspertët hartimin i një ndarjeje territoriale sa më pranë qytetarëve, duke u bazuar në njohjen e tyre mbi interesat vendore.

Strukturat e Partisë Demokratike do të zhvillojnë dëgjesa me komunitetet vendore sipas një grafiku të caktuar nga Komisioni Parlamentar i Reformës Administrative-Territoriale.

Në këtë kuadër, kërkohet angazhim dhe pjesëmarrje aktive nga degët e PD, përfshirë demokratë, këshilltarë vendorë dhe ekspertë nga radhët e opozitës.

Paraqitja e një harte të re të njësive vendore sa më pranë qytetarëve është politikisht e rëndësishme, për këtë, 1. 2. 3. 4. 5.

UDHËZOJ:

1.Të organizohet mbledhja e kryesisë së të gjitha degëve brenda datës 15 Prill;

2. Në këtë mbledhje të shqyrtohet dhe finalizohet varianti më i pranueshëm i ndarjes territoriale që i përket njësisë përkatëse vendore;

3. T’i jepet përgjigje pyetjeve të Anketës Politike të përcjellë tek ju lidhur me ndarjen e re të bashkive, funksionimin e këshillave bashkiake dhe të qarqeve, si dhe për njësitë administrative dhe administratorët;

4. Në këtë takim të thirren për konsultim edhe individë të zgjedhur, kryetarë e këshilltarë të njësive vendore të PD ndër vite;

5. Konkluzionet dhe raporti me shkrim të shoqërohen me pamje (foto) nga diskutimet në mbledhjet e kryesisë;

6. Data e raportimit do të jetë 20 Prill;

7. Për çdo takim do të informoheni nga Sekretariati Organizativ i PDSH;

8. Njoftime më të hollësishme dhe propozimet që do të keni, do t’i përcillni në sekretariatin e qeverisjes vendore të PD në email: [email protected]

Ky udhëzim hyn në fuqi menjëherë