Partia Demokratike e Kosovës e ka quajtur populist vendimin e Qeverisë Kurti për të mbështetur me nga 100 euro pensionistët, të punësuarit dhe studentët gjatë muajit prill.
Bernard Nikaj nga PDK-ja, këtë mbështetje për qytetarët e ka quajtur “ lëmoshë”, gjatë një konference për mediat të martën.
“Krejt çka po bën kryeministri është popullizimi, pas ngritjes së çmimeve të energjisë elektrike dhe të tjera. Kjo mbështetje me nga 100 euro është lëmoshë dhe ndihmë sociale vetëm për muaj prill. Por çka do të bëjnë qytetarët në muajin maj kur çmimet vazhdojnë të mbesin të larta”, tha ai.
Si mbështetje për rritjen e çmimeve, Qeveria e Kosovës për muajin prill do t’u japë pensionistëve, studentëve dhe të punësuarve nga 100 euro, ndërsa do të dyfishojë asistencën sociale.
LEXONI GJITHASHTU:
