PE miraton rezulutën me amendamentin për lirimin e Fredi Belerit

Parlamenti Europian ka miratuar një rezolutë që përmban një amendament për lirimin e Fredi Belerit, i cili po mbahet në burg për shitblerje të votës në zgjedhjet e 14 majit.

Amendamenti për “lirimin e menjëhershëm të kryebashkiakut të Himarës, Fredi Beleri dhe për “mbrojtjen e pronave të pakicës kombëtare greke”, është paraqitur nga Partia Popullore Europiane dhe grupi i së Majtës në Raportin mbi Procesi i anëtarësimit të Shqipërisë në BE. 290 eurodeputetë votuan pro dhe 260 kundër.

“Parlamenti Evropian shpreh shqetësimin e tij për arrestimin e kryetarit të ri të bashkisë së Heimarës, Fredi Beleris, në prag të zgjedhjeve komunale të majit, i cili shkeli prezumimi i pafajësisë dhe pengimi i kryetarit të zgjedhur për të marrë detyrat e tij, pasi ai mbetet i burgosur edhe sot e kësaj dite; nënvizon se kjo çështje lidhet me respektimin e përgjithshëm të të drejtave themelore, çështjen e pazgjidhur të pronave të pjesëtarëve të pakicës etnike greke. në zonën e bashkisë dhe akuzat për cenim nga shteti“, theksohet në arsyetimin e vendimit për miratimin e amendamentit.

Mediat greke shkuajnë se amendamenti u mbështet nga eurodeputetët grekë të të gjitha partive. Ne një njoftim të qeverisë greke thuhet se: “Amendamenti në fjalë është paraqitur nga Partia Popullore Evropiane me nismën e Eurogrupit të Demokracisë së Re pas deklaratave përkatëse të kryeministrit Kyriakos Mitsotakis dhe asaj që ai ngriti me vetë Edi Ramën gjatë takimit të tyre të fundit, në kuadër të samitit të NATO-s”.

Sot nga Brukseli thuhet në njoftimin e qeverisë greke, u dërgua një mesazh i qartë kumbues, se taktikat e autoriteteve shqiptare kundër minoritetit grek nuk tolerohen as nga qeveria greke dhe as nga Parlamenti Europian dhe se rruga europiane për Shqipërinë kalon përmes respektimit të rregullat e shtetit ligjor dhe respektimi i të drejtave të njeriut të të gjithë qytetarëve të saj.

LEXONI GJITHASHTU:

• Artan Hoxha flet për herë të parë për letrën e Belerit nga burgu…
• Dule: Mbajtja në burg e Belerit, një njollë e zezë për demokracinë shqiptare