Pedagogët protestë para parlamentit: Çfarë arsimi mund të zhvillohet me buxhet 3%?

Pedagogët janë rikthyer sërish në protestë për mosrealizimin e 9 kërkesave për arsimin e lartë.

Këtë të enjte ata ishin para Parlamentit, në ditën kur diskutohet buxheti i vitit 2023.

“Çfarë arsimi mund të zhvillosh kur ti e ke 3% dhe ka 10 vjet që ke premtuar që do ta bëjë 10%. Ka mbetur gjithnjë nën 3%, kështu që nuk pritet as zhvillimi i arsimit të lartë, as arsimi parauniversitar, as fillor me këtë trajtim financiar mizerabël. Duhet vlerësuar jo vetëm buxheti nga i cili akordohet për institucionet e arsimit të lartë për departamenete e fakultetet, por edhe mënyra se si shpenzohet ky buxhet”, u shpreh kryetari i Sindikatës së Punonjësve të Universiteteve Sandër Kovaçi.

Vendimi i Ministrisë së Arsimit për krijimin e Institucioneve të Arsimit të Lartë Publike të Pavarura, nuk është pritur mirë nga pedagogët.

“Me anë të kësaj vendimarrje e thellon situatën e agravuar ekonomike të universiteteve publike, i jep më pak detyrime shtetit në bazë të saj që të financoj universitetin”, theksoi Kovaçi.

Një ligj që është bërë pa pyetur fare stafet akademike, pa pasur fare në konsideratë kushtet e arsimit në Shqipëri. Ky është një dëm i madh që godet në mënyrë indirekte e në mënyrë fatale arsimin publik”, tha pedagogu Lush Susaj.

Ata paralajmërojnë protesta të tjera në vijim deri në bojkot të sezonit të provimeve nëse kërkesat e tyre nuk realizohen.

LEXONI GJITHASHTU

• Studenti: Pedagogët kërkojnë 200-500 Euro për një provim

• Studenti: I kërkojmë pedagogëve të na bashkohen në protestë, nuk na janë përgjigjur

• Protesta e pedagogëve në rrethe, Korça dhe Vlora bojkotojnë