Pedagogia Mëniku: Mësimi në auditorë do të zhvillohet me grupe më të vogla

Pedagogia e gjuhës shqipe, Linda Mëniku u shpreh për Euronews Albania se mangësitë që la mësimi online do të ndihen ndër vite.

Pedagogia nënvizoi se mësimi online, relativisht ka qenë efektiv deri në një farë pike.

“Mësimi online varet shumë edhe nga dega. Në disa lëndë mësimi online nëpërmjet teknikës më rezultoi të ishte pak më ndërveprues”, u shpreh znj. Mëniku, teksa shtoi se pedagogu mund të gjejë një formë për t’i mbajtur studentet të vëmendshëm edhe gjatë mësimit online.

Sa i përket procesit të mësimit në auditorë, pedagogia tregoi se për të ruajtur distancën dhe për të respektuar masat anti-COVID, mësimi do të zhvillohet me grupe më të vogla.

Sipas saj, e gjithë kjo përkthehet në punë dyfish për pedagogët.

LEXONI GJITHASHTU:

• Pedagogu Shaqiri: Duhet një strategji më e mirë për vaksinimin me detyrim të studentëve
• Rektori i Universitetit Bujqësor: Gati të shtyjmë nisjen e vitit akademik me qëllim vaksinimin e studentëve