Pedagogu Shaqiri: Duhet një strategji më e mirë për vaksinimin me detyrim të studentëve

Pedagogu i Fakultetit të Ekonomisë, Gentian Shaqiri u shpreh për Euronews Albania se duhet një strategji më e mirë për vaksinimin me detyrim të studentëve.

“Nuk ka qenë mënyra e duhur për t’i bindur. Duhet strategji komunikimi sidomos kur flet me studentët. Fjala detyrim është shumë imponuese dhe i jep një efekt kundërshtues natyrës njerëzore”,  tha pedagogu.

Z. Shaqiri theksoi se ka një hezitim të madh nga studentët për t’u vaksinuar.

“Shpresoj të kemi një vendim konkret. Nuk kemi pse t’u japim mundësi  vetëm studentëve të vaksinuar në raport me ata të pavaksinuar. Të gjithë kanë të drejtën për arsim”, u shpreh pedagogu.

Sipas tij, Ministria e Arsimit, por edhe ky këshilli i rektorëve duhet të prodhojnë një vendimmarrje që reflekton aktualitetin, por ruan edhe balancat.

LEXONI GJITHASHTU:

• Certifikatë vaksinimi ose test negativ, rregullat e reja për të udhëtuar drejt Kosovës
• Mjeku Alimehmeti: Vaksinimi fals anti-COVID në Shqipëri, një fenomen në rritje