“Pekini luajti gabim dhe në panik”, Trump reagon pas kundërpërgjigjes së Kinës

Presidenti Donald Trump duket se ka parë një Kinë “të panikuar” të premten, pasi rivali kryesor ekonomik i SHBA-së u hakmor kundër tarifave të tij.

“Kina bëri gabim, ata u përfshinë nga paniku”, thuhej në postimin e Trump.

Trump, i cili e cilësoi si të gabuar veprimin e Kinës pas kundërmasave të Pekinit që përfshinin tarifa shtesë prej 34% për mallrat amerikane.

“Kina u kap nga paniku, është e vetmja gjë që ata nuk mund ta përballojnë”. shkruajti Trump në rrjeti ne tij social “Truth”.

Ndërsa për të dytën ditë radhazi, tregjet ranë, duke humbur shuma të mëdha nga investimet dhe fondet e pensioneve.

Wall Street filloi me një rënie të madhe, me Dow Jones dhe S&P 500 që humbën rreth tre përqind.

Tregjet e Frankfurtit dhe Londrës ranë më shumë se katër përqind, ndërsa Nikkei i Tokios u mbyll 2.8 përqind më poshtë.

Trump, i cili javën e kaluar kishte zbuluar një sërë tarifash të reja për importet nga vende të ndryshme, nuk e ndryshoi qëndrimin e tij, duke thënë se “politikat e mia nuk do të ndryshojnë kurrë”. Ai shkroi gjithashtu se “Kjo është një kohë e shkëlqyer për t’u pasuruar, më i pasur se kurrë më parë.”

Presidenti 78-vjeçar, i cili po kalonte një fundjavë të gjatë duke luajtur golf në Palm Beach, Florida, beson se fuqia e ekonomisë amerikane do të detyrojë kompanitë e huaja të prodhojnë në SHBA, në vend që të vazhdojnë të importojnë mallra.

LEXONI GJITHASHTU:

• Kina nis hakmarrjen ndaj SHBA, vendos tarifa 34% për mallrat amerikane
• Kina i kërkon SHBA që të heqë menjëherë tarifat dhe zotohet të hakmerret