Për herë të parë një kryeministër grek në Himarë, Beleri: Ja çfarë do i kërkojmë 

Kreu i OMONIA-s, Fredi Beleri tregoi në Euronews Albania çfarë do t’i kërkojnë kryeministrit grek Kiriakos Mitsotakis kur të vizitojë Himarën.

Beleri u shpreh se një nga shqetësimet e kahershme të minoritetit grek në Himarë është çështja e pronave dhe ajo e censusit, të cilat do t’ia parashtrojë kryeministrit që zëri i tyre të dëgjohet nga qeveria shqiptare.

“Problematikat tona janë të njohur në Shqipëri dhe Greqi. Problemi kryesor që kanë himarjotët është çështja e pronës. Para 60 vjetësh ishin sekuestruar nga shteti dhe sot në 2022 këto po prona ende nuk ka në kaluar në emër të pronarëve legjitimë. Regjistrimi vijon me ritme shumë të ngadalta, qeveria aktuale nuk ka dëshirë që prona të shkojë tek i zoti. Do i theksojmë problemin që t’ia përcjellë qeverisë shqiptare që ky problem të zgjidhet përfundimisht. Unë përfaqësoj minoritetin grek dhe flas në emër të tyre. Nuk ka zhvillim pa vajtur prona tek i zoti. Gjithashtu duam të bëhet regjistrimi i minoritetit në Himarë gjë që deri tani nuk ka ndodhur”, tha Beleri.

LEXONI GJITHASHTU:

• Deti dhe Minoriteti, Mitsotakis përsëri në Shqipëri, e zbulon Fredi Beleri
• Historiani zbulon lëvizjen e Ramës, pse nuk shkoi kryeministri grek në Himarë