Deti dhe Minoriteti, Mitsotakis përsëri në Shqipëri, e zbulon Fredi Beleri

Kreu i OMONIA-s Fredi Beleri ndërhyri përmes një lidhjeje telefonike në emisionin Review në Euronews Albania ku tregoi se me gjithë anulimin e vizitës në Himarë, ai është takuar me kryeministrin grek Kyriakos Mitsotakis në Tiranë.

Beleri u shpreh se Mitsotakis do të kthehet në Shqipëri përpara Krishtlindjeve për të realizuar vizitën e anuluar në Himarë, Livadhja dhe Dropull.

Beleri u shpreh se në Himarë 90 për qind e vendasve deklarohen grekë, por censusi do të jetë ai që do ta përcaktojë më mirë këtë edhe për ata që janë mosbesues.

“Jemi takuar në Tiranë në kuadër të samitit, bashkë me Vangje Dulen, ishte një takim zyrtar me krerët e minoritetit. Kërkesat tona janë: pronësia, të zbatohet ligji 2017 për vetëdeklarimin dhe të na jepet e drejta për një gjimnaz në gjuhën greke. Mitsotakis do vijë në Himarë përpara Krishtlindjeve për të bërë vizitën e anuluar. Do jetë edhe në Livadhja dhe Dropull”, tha Beleri.

LEXONI GJITHASHTU:

• Gazetari zbulon lëvizjen e Ramës, pse nuk shkoi kryeministri grek në Himarë
• Mitsotakis anulon vizitën në Himarë, shtyhet takimi me minoritetin grek