Përballja Shqipëri-Gjeorgji, publikohen formacionet zyrtare të të dy skuadrave

Mbrëmjen e sotme, në orën 20:45, Kombëtarja shqiptare do të luajë në stadiumin ‘Air Albania’ ndeshjen kundër Gjeorgjisë, të vlefshme për UEFA Nations League.

Janë bërë publikë formacionet zyrtare, ku duket se Shqipëria do të luajë me formacionin (4-3-3), me Hoxhën titullar, ndërsa Gjeorgjia me formacionin (3-5-2).

Formacionet zyrtare:

Shqipëria: “Strakosha; Hysaj, Ismajli, Kumbulla, Mitaj; Asllani, Ramadani, Bajrami; Asani, A. Hoxha, Manaj. Trajner: Sylvinho”.

Gjeorgjia: “Mamardashvili, Gvelesiani, Kashia, Dvali, Kakabadze, Koçorashvili, Kiteishvili, Lokoshvili, Çakvetadze, Kvaratskhelia, Mikautadze. Trajner: Ëilly Sagnol”.

Prej orës 17:30 qindra tifozë kuqezi janë mbledhur panë stadiumit “Air Albania” dhe po presin me padurim nisjen e duelit.

Festa ka nisur në shumë bare të qytetit, ku tifozët mes këngëve e valleve patriotike janë mbledhur edhe pranë bulevardit kryesor të kryeqitetit.

Përmes një njoftimi Federata Shqiptare e Futbollit bëri të ditur se të gjitha biletat për ndeshjen Shqipëri – Gjeorgji janë shitur.

LEXONI GJITHASHTU:

• Policia publikon planin e masave për ndeshjen Shqipëri-Gjeorgji, rrugët që bllokohen
• Ndeshja Shqipëri-Gjeorgji| Tifozët dalëngadalë nisin grumbullimin