Përçahet partia shqiptare në RMV/ Gazetari: Pritet përjashtimi i Arben Taravarit

Analisti Seladin Xhezairi ishte këtë të mërkurë i ftuar në një intervistë për Euronews Albania ku ka folur për situatën politike në Maqedoninë e Veriut. Ai tha se në partitë shqiptare pritet të ketë “zhvillime dramatike”, ai tha se pritet të ketë përjashtime ministrash.

“Me partinë Aleanca për Shqiptarët, po ndodh pak a shumë e njëjta gjë që ka ndodhur aty me partinë demokratike. Drejtuesit e aleancës do duhet të mbajnë të shtunën qëndrim për numrin 1 të partisë së tyre Arben Taravarin. Nuk përjashtohet mundësia që zoti Taravari të përjashtohet.

Në të njëjtën kohë, krahu i zotit Taravari mund  të organizojë një tubim paralel përkatësisht mund ti paraprijë tubimit që është thirrur nga kryetari i këshilltarit të përgjithshëm. Kjo e bën situatën edhe me të acaruar. ethet parazgjedhore përzgjedhjet presidenciale kanë filluar dhe e keqja e këtyre etheve është ajo  që shumëkush po e quan ndërhyrje të Prishtinës zyrtare”,-tha Seladin Xhezairi.

LEXONI GJITHASHTU:

• Liderët e partive shqiptare të Maqedonisë së Veriut priten nga Kurti në Prishtinë
• Kurti uron kryeministrin Xhaferi: Maqedoni e Veriut euroatlantike, është ajo që duam