Përdorën celularin duke drejtuar makinën, gjobiten 184 shoferë

Policia ka njoftuar se kanë vazhduar kontrollet e shtuara në të gjitha akset rrugore, për evidentimin dhe ndëshkimin e shkelësve të rregullave të qarkullimit në kryeqytet.

Vetëm gjatë javës që lajmë pas policia njofton se janë arrestuar ose proceduar të lirë 12 persona që kanë drejtuar mjetin në gjendje të dehur, ndërsa 184 persona janë ndëshkuar me gjobë.

Njoftimi i policisë:

▫️Gjatë javës që lamë pas, 12 shtetas janë arrestuar ose proceduar në gjendje të lirë, për drejtim automjeti, në gjendje të dehur ose pa leje drejtimi, si dhe për shkelje të rregullave të qarkullimit rrugor.

▫️Janë ndëshkuar me masë administrative 184 drejtues mjetesh, për përdorim të celularit gjatë drejtimit të mjeteve.

▫️152 drejtues mjetesh janë ndëshkuar për mosdhënie përparësie këmbësorëve, në vija të bardha.

▫️180 drejtues mjetesh janë ndëshkuar për mosvendosje të rripit të sigurimit.

▫️Janë vendosur 96 masa administrative, për mosvendosje të kaskës mbrojtëse, nga drejtuesit e motomjeteve.

▫️Janë bllokuar 18 automjete, për detyrime të pashlyera, mungesë dokumentacioni dhe për verifikime nga Seksioni i Trafiqeve të Paligjshme në DVP Tiranë.

LEXONI GJITHASHTU:

• Kryeministri Rama vizitë zyrtare në Kroaci, pritet nga homologu i tij Plenkovic
• Pastrimi i parave të Cosa Nostras, GJKKO jep dënimin për kunatin e shoferin e Taçit