Performanca e Arsenal këtë sezon, OPTA e sheh si favorit të dyfishtë

Arsenali është favoriti kryesor për fitimin e Çempions ligës dhe kampionatit anglez, sipas një analize të bërë nga kompania OPTA, që bazohet në performancën e topçinjve.

Paraqitjet e Arsenalit në këtë fillimsezoni i kanë bindur të gjithë, madje duke bërë dhe parashikimet e para edhe pse është ende herët. Topçinjtë zhvilluan një paraqitje mbresëlënëse ndaj Atletico Madrid që e mposhtën 4-0, por dhe në kampionatin anglez po bën shkëlqyeshëm, duke u renditur në krye.

Sipas kompanisë së matjes së performancës dhe statistikave, OPTA parashikon që Arsenal është skuadra me më tepër shanse për tu shpallur kampione në të dyja kompeticionet.

E thënë më thjeshtë, Arsenal në fund të sezonit do të kurorëzohet kampion në dy kompeticione, një që ka shumë vite pa e fituar si liga angleze dhe tjetri ku londinezët nuk kanë triumfuar kurrë, Champions.

Gjasat që Arsenal, të shpallet fitues i Champions sipas OPTAs janë 20%, ndërsa për kampionatin anglez përllogariten 44%.

Arsenal ka fituar 10 përballje, barazuar 1 dhe humbur 1 në 12 sfida të zhvilluara në këtë sezon të ri futbollistik. Aktualisht kryeson kampionatin anglez me 3 pikë më tepër se Manchester City.

LEXONI GJITHASHTU:

• Mbrojtësi Saliba refuzon kalimin te Real Madrid, rinovon kontratën me Arsenal
• Arsenal fiton me përmbysje dhe mban në presion Liverpool-in