Performanca e lojtarëve kuqezi: Uzuni rekord me Granadën, shkëlqejnë Mitaj e Daku

Futbollistët e kombëtares shqiptare po bëjnë mirë me ekipet e tyre, teksa edhe fundjava që lamë pas ishte tejet pozitive. Nga Spanja në Arabinë Saudite, Kroaci e Rusi, lojtarët kuqezi lanë gjurmë.

Duke nisur me Myrto Uzunin, i cili u kthye në një rekordmen për Granadën, pasi aktualisht është shënuesi më i mirë i huaj në historinë e këtij ekipi. Bomberi beratas ka shënuar 46 gola që prej transferimit të tij në këtë ekip.

Asiste dhuruan dhe Mitaj, Daku e Hoxha, duke marrë nota pozitive nga kompanitë që vlerësojnë performancat. Mitaj dha një paraqitje pozitive në sfidën ndaj Al Nassr, ku mbrojtësi i majtë i kombëtares shqiptare asistoi në golin e fitores, të shënuar nga Bergëijn. Të njëjtën gjë bëri edhe Hoxha në barazimin 1-1 të Dinamo Zagreb, ndërsa Daku dha asist në fitoren në transfertë të Rubin Kazan.

Broja dhe Medon Berisha u kthyen në fushë pas dëmtimit, një tjetër lajm i mirë për trajnerin Sylvinho. Titullarë me skuadrat e tyre u aktivizuan dhe pjesa tjetër e lojtarëve tanë, mes tyre kapiteni Berat Gjimshiti.

LEXONI GJITHASHTU:

• Trajneri italian i Elbasanit jep dorëheqjen e papritur pas fitores 3-1
• Largimi i Bordin, Elbasani zgjedh trajnerin e ri