Përfshihet nga flakët banesa në Korçë, zjarrfikësja në vendngjarje

Përfshihet nga flakët një banesë në katin e parë të një pallati në unazën e qytetit, në afërsi të zonës të quajtur “Ura e Fajancës”.

Sipas informacioneve të siguruara nga korrespondenti i Euronews Albania, Xhensil Shkëmbi, brenda në banesë ka qenë një grua, e sëmurë, dhe është nxjerrë menjëherë jashtë.

Nuk dihen rrethanat e zjarrit, zjarrfikësja ende në vendngjarje për të shuar flakët. Edhe policia me forca të shtuara bëri të mundur largimin e të gjithë njerëzve që ndodheshin brenda pallatit ku ra zjarri.

Njoftimi i policisë:

Më datë 03.02.2024, rreth orës 07:30, në lagjen nr.8, Korçë, ka rënë zjarr në banesen e shtetases R. E., rreth 64 vjeçe, e cila u asfiksua nga tymi dhe u dërgua në spital ku po merr ndihmën mjekësore.

Në vendngjarje ndodhen forcat e Policisë që po evakuojnë banorët e tjerë të pallatit, si dhe shërbimet e zjarrfikëseve, të cilat po bëjnë shuarjen e zjarrit.

Grupi hetimor po punon për zbardhjen e shkaqeve të rënies së zjarrit.

LEXONI GJITHASHTU:

• Përfshihet nga zjarri kullota malore në Gjirokastër, ndërhyjnë zjarrfikësit
• Zjarri përfshin banesën në Pogradec, 5 banorët shpëtojnë mrekullisht