Një apartament në lagjen 14 të Korçës është përfshirë nga flakët duke u shkrumbuar plotësisht.

Ka qenë ndërhyrja e shpejtë e shërbimit zjarrfikës që ka bërë të mundur mospërhapjen e flakëve në apartamentet e tjera të pallatit.

Deri tani policia nuk ka bërë me dije shkaqet e këtij zjarri, por paraprakisht mendohet se 60-vjeçari i cili banonte në këtë apartament të ketë lënë ndezur pajisjet elektrike që përdoreshin për ngrohje.

Zjarri në katin e parë të këtij apartamenti ka shkaktuar panik tek banorët të cilët deri në mbërritjen  e zjarrfikësve janë munduar me mjete rrethanore të fiknin zjarrin.

Ndërkohë gjatë pasdites së sotme një tjetër njoftim për zjarr në apartament u dha nga banorë të lagjes numër 2 në Pogradec. Mbërritja në kohë e zjarrfikësve evitoi djegien e apartamentit.

Shkak për flakët ishte bërë një tenxhere që ishte harruar mbi sobën e gatimit nga familjarët.

LEXONI GJITHASHTU:

• Zjarr në një banesë në Shkodër, humb jetën i moshuari
• Shkrumbohet nga zjarri biznesi në Vlorë, shkak rrjedhja e gazit