Shkrumbohet nga zjarri biznesi në Vlorë, shkak rrjedhja e gazit

Një biznes është përfshirë nga flakët mesditën e së mërkurës në qytetin e Vlorës. Ngjarja ndodhi në afërsi të bulevardit Vlorë-Skelë, në lagjen “28 Nëntori”, ku për shkak të rrjedhjes së gazit nga bombula që përdoret në kuzhinë, është përfshirë në flakë një tavernë.

Kanë qenë administratorët e vetë biznesit të cilët kanë lajmëruar forcat zjarrfikëse.

Efektivët e zjarrfikëses kanë mbërritur në kohë në vendin e ngjarjes duke bërë të mundur që flakët të fiken në kohë, duke parandaluar në këtë mënyrë përhapjen e tyre në biznesin në fjalë por edhe bizneset aty pranë.

Në gatishmëri edhe policia e Vlorës e cila ka bërë të mundur ruajtjen e perimetrit të sigurisë.

Si rrjedhojë e flakëve dëmet në biznesin në fjalë janë të konsiderueshme. Fatmirësisht, konfirmuar nga policia e Vlorës nuk ka persona të lënduar. Efektivët e policisë së Vlorës ndërkohë janë në vendngjarje duke mbledhur të gjitha provat për të bërë të mundur zbardhjen e plotë të shkaqeve të zjarrit.

LEXONI GJITHASHTU:

• Qëlloi në ajër me armë zjarri kallashnikov, arrestohet 44-vjeçar në Vlorë
• 80-vjetori i Çlirimit në Vlorë, nderohen dëshmorët e atdheut