Një situatë e rrezikshme ka ndodhur në Selenicë të Vlorës teksa një 44-vjeçar në gjendje të dehur, ka qëlluar më armë zjarri në ajër.
Ai më pas u largua në kodrat e fshatit Brataj për t’i shpëtuar Policisë, pas më shumë se 12 orë ndjekjeje dhe kërkimesh, sot në mesditë u bë i mundur arrestimi në flagrancë i 44 vjeçarit me iniciale A. F.
Në momentin e arrestimit, shërbimet e Policisë gjetën dhe sekuestruan armën e zjarrit kallashnikov, me fishek në fole gati për qitje, me të cilën 44-vjeçari qëlloi në ajër mbrëmjen e djeshme në fshatin Brataj.
44-vjeçari, mbrëmjen e djeshme, në gjendje të dehur dhe pas një konflikti të çastit, si dhe me pretendimin se disa të mitur po e bezdisnin, ka shkuar në banesë, ka marrë armën e zjarrit dhe ka qëlluar në ajër, duke krijuar panik te banorët dhe te të miturit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.
LEXONI GJITHASHTU
- Mbante armë pa leje në banesë, arrestohet 42-vjeçari në Tiranë
- Të shtëna me armë zjarri drejt një automjeti në Shkodër
