Është mbajtur këtë të enjte provimi i parë i Maturës Shtetërore, ku 30 mijë nxënës iu nënshrtruan testimit të njohurive për gjuhën e huaj.
Por ajo që ra në sy si çdo vit, ishte dalja e tezës së provimit 30 minuta pas nisjes së testimit.
Pavarësisht vendosjes së kamerave dhe rritjes së mbikqyrjes nga ana e administratorëve, kjo nuk i ka ndaluar nxënësit të nxjerrin telefonin dhe të publikojnë në rrjet tezës e provimit.
“Janë hartuar teza të veçanta për t’iu përshtatur nevojave të maturantëve. Këtë vit risi kanë qenë kamerat e sigurisë dhe një mbikqyrje e lartë e administratorëve dhe mësuesve për sa i takon sigursë dhe ecurisë së një provimi sa më të mbarë. Kjo gjë nuk i ka ndalur maturantët që të fshehin telefonat dhe pas 30 minutave nga nisja e provimit të dalë dhe teza varianti i parë. Pas disa minutash ka dalë dhe varianti i dytë dhe përgjigjet e sakta”, tha gazetarja e Euroneës Ornela Budlla.
Pas provimit të gjuhës së huaj, maturantët do t’i nënshtrohen më datën 7 provimit të gjuhës shqipe, matematikës më 13 Qershor dhe provimit të lëndës më zgjedhje më 19 qershor.
Provimet do të zhvillohen në korridoret e shkollave apo në palestra dhe i gjithë testimi do të monitorohet me kamera për të eliminuar kopjimet apo dhe përdorimin e telefonave gjatë testit. Për administrimin e provimeve janë angazhuar mbi 7800 mësues.
Varianti B i tezës:
