Perimet e shpërndara në rrugë, pamje nga aksidenti në Pogradec. Dy të plagosur rëndë

Një aksident i rëndë ka ndodhur në aksin rrugor Pogradec-Qafë Thanë pasditen e kësaj të shtune. Në aksident janë përfshirë 3 automjete dhe një furgon me fruta perime. Si pasojë e përplasjes janë plagosur 6 persona, 2 prej të cilëve në gjendje të rëndë.

Aksidenti ka ndodhur, rreth orës 14:30, në afërsi të fshatit Pojskë, ku janë përplasur konkretisht automjeti furgon tip “Benz”, me automjetin tip “Opel” me drejtues shtetasin A. Y. dhe automjetin tip “Toyota” me drejtues shtetasin M. P.

Policia dhe grupi hetimor ndodhen në vendngjarje dhe po kryejnë veprime proceduriale për përcaktimin e shkaqeve të aksidentit.

Siç shihet dhe nga pamjet e siguruara nga Euronews Albania, pasojat e aksidentit janë tepër të rënda.

Shkaqet e aksidentit dyshohet të jenë një parakalim i gabuar i njërit prej mjeteve, si edhe shpejtësia e lartë, ku për shkak të reshjeve ka sjellë edhe humbjen e kontrollit të foristradës.

LEXO GJITHASHTU:

• “88 apartamente një person”, Goci: Në Tiranë po ndërtohet pa plan
• Aksident në aksin Pogradec-Lin, dyshohet për të plagosur