“88 apartamente një person”, Goci: Në Tiranë po ndërtohet pa plan

Pedagogu dhe aktivisti Ervin Goci tha në një intervistë për Euronews Albania se nuk është e shpjegueshme që një njeri i vetëm të ketë në pronësi 88 apartamente në Tiranë pa plan urbanistik.

Sipas tij është urgjente që ndërtimet në Tiranë të ndalen në mënyrë që mos të rritet edhe më tepër dendësia e popullsisë pa pasur një plan të qartë urbanistik.

“Ne bëjmë vetëm leje pallatesh, të cilat nuk janë as zona shërbimi, as asgjë, por janë thjesht ndërtesa të cilat janë private dhe na del që vetëm një person, ishte një tip që kishte 88 apartamente. Një person me 88 apartamente, një përqëndrim vertikal apartamentesh që mbushen me njerëz apo jo e shtojnë dendësinë dhe nuk ka asnjë lloj shërbimi tjetër që ta bëjë atë jetë komplete,” – u shpreh Goci.

Pedagogu deklaroi se në këto kushte është gati e pamundur që kryeqyteti të gjejë qetësi.

LEXONI GJITHASHTU:

• Deputeti i PD mbështet kreun e komunistëve në kandidimin për bashkinë Tiranë
• Rritet shqetësmi për kostot e jetesës në Tiranë, si ndryshoi në matjet e Barometrit?