Përjashtimet e deputetëve të PD-së, Balla: Askush s’mund të marrë peng Kuvendin

Kreu i Grupit Parlamentar të PS, Taulant Balla ka dalë në një deklaratë për mediat ku dhe foli për përjashtimin e 5 deputetëve të PD nga Kuvendi pas tensioneve që u krijuan të enjten e javës së kaluar.

Në një deklaratë për mediat ai tha se askush nuk mund të marrë peng Kuvendin dhe se përjashtimi i deputetëve është bërë në bazë të rregullores.

“As një lloj kërkese e kësaj forme nuk miratohet dhe as nuk mund të merret në konsideratë. Do mundohemi që diskutimet të zhvillohen. Deputetët që thyen rregullat të mos marrin pjesë në seancat plenare. Shpresoj që nga 2 shkurti Kuvendi t’i rikthehet normalitetit. Situata që u krijua është qesharake.  Ajo që ka rëndësi është që kush mendon dhe pretendon se do të marrë peng Kuvendit e ka shumë gabim. Kuvendi do të vazhdojë punën e vet”- tha Balla.

LEXONI GJITHASHTU: 

• Vendimi i Kuvendit për kërkesën e GJK për çështjen e Xhaçkës? Përgjigjet Balla
• Balla: Edhe unë e kam takuar McGonigal, ja për çfarë kemi biseduar