Rudina Ajazi shqiptare që jeton në Turqi tha në emisionin Now në Euronews Albania se ditën e dytë pas tërmetit shkatërrimtar që goditi jugun e Turqisë gjendja është edhe më e rëndë, pasi moti i acartë ka mbuluar me borë rrënojat.
Mes lotësh ajo tregoi se qytete të tëra ku jetonin qindra mijëra banorë janë rrafshuar pothuajse fare, dhe shpresat për të mbijetuar janë më të vogla pasi rrënojat ku gjendet ende shumë njerëz janë mbuluar nga bora.
“Në disa zona akoma nuk kanë mbërritur ekipet e kërkim shpëtimit. rrënojat janë mbuluar me borë njerëzit janë poshtë nuk dihet a janë gjallë apo kanë vdekur. Kërkojnë ndihmë”, tha ajo mes lotësh.
Ajo tregoi historinë e një djali të ri që u nxor pas 42 orësh nga rrënojat me foshnjën 6 muajsh, i cili siç tha i vdiq në duar sapo mbërriti në ambulancë.
LEXONI GJITHASHTU: