Përmbytje dhe rrëshqitje dheu në Nepal, të paktën 22 të vdekur

Shirat e rrëmbyeshëm në Nepal kanë shkaktuar rrëshqitje toke dhe përmbytje që kanë bllokuar rrugët, kanë rrëzuar urat dhe kanë vrarë të paktën 22 persona në 36 orët e fundit, thanë sot zyrtarët lokalë.

“Tetëmbëdhjetë persona vdiqën në rrëshqitje të ndryshme të dheut në distriktin Ilam në lindje, i cili kufizohet me Indinë. Tre persona vdiqën në Nepalin jugor pas një goditjeje nga rrufeja dhe një person vdiq në përmbytjet në distriktin Udayapur , gjithashtu në Nepalin lindor”, tha zëdhënësi i policisë Binod Ghimire, sipas Reuters.

Autoritetet njoftuan se njëmbëdhjetë persona u rrëmbyen nga përmbytjet dhe janë të zhdukur që nga e shtuna.

“Përpjekjet e shpëtimit janë duke vazhduar”, tha Shanti Mahat, zëdhënëse e Autoritetit Kombëtar të Reduktimit dhe Menaxhimit të Rrezikut nga Fatkeqësitë (NDRRMA).

Disa autostrada u bllokuan nga rrëshqitjet e dheut ose u përmbytën nga përmbytjet, duke lënë qindra udhëtarë të bllokuar, thanë autoritetet.

LEXONI GJITHASHTU:

• Udhëheqësja e re e Nepalit zotohet se do të plotësojë kërkesat e protestuesve  
• VIDEO/ Kush është 16-vjeçari në Nepal që po udhëheq protestat