“Përmirësoni kushtet të mos ikin”- Studentët e mjekësisë kundër draftit të qeverisë

Studentët e Fakultetit të Mjekësisë kanë nisur protestën e tyre sot në orën 11:00 përpara universitetit.

Ata janë mbledhur për të kundërshtuar diskutimet mes rektorit Gjata, ministreve Kushi dhe Manastirliu për të lidhur kontratë pune pas përfundimit të studimeve, pasi ata janë kundra punësimit me detyrim aty ku do ministria.

“Nuk duam kurrsesi që në shtator të gjendemi pabesisht para firmosjes së kontratës. Përpara se të fajësoni mjekët që ikin, ktheni gishtin nga vetja dhe pyeteni veten pse? Pse po ikin? Çfarë po ofrojnë vendet e tjera më shumë që po na marrin mjekët? Çfarë duhet bërë për t’i mbajtur? Përgjigjja është shumë e thjeshtë: përmirësoni sistemin shëndetësor, arsimin dhe kushtet e punës; dhe duam përmirësime konkrete, jo vendime të shkruara në letra që nuk janë vënë kurrë në jetë,” – tha njëra prej studenteve në fjalën e saj, duke theksuar se nuk janë nga ata që ngopen me lugë bosh.

Ata thonë se mjeku duhet ftuar të punojë në vend dhe kurrsesi i detyruar.

LEXONI GJITHASHTU:

• Studentët e mjekësisë protestojnë sot kundër punësimit me detyrim
• Tritan Shehu: 99% e kanabisit përdoret si drogë, në mjekësi është eksperimental