Ish-deputetja e Partisë Demokratike, Lajla Përnaska deklaroi se e djathta duhet të dalë me një kandidat të vetëm për Tiranën, në zgjedhjet e ardhshme vendore.

Në një intervistë për Euronews Albania, Përnaska u shpreh se kandidatura duhet të jetë përfaqësuese e së djathtës dhe të ketë integritet moral.

“Unë gjykoj që e djathta ka nevojë të dalë me një kandidat të vetëm dhe të unifikohet më shumë se kurrë. Unë shoh një pritshmëri shumë të lartë të qytetarëve të Tiranës për të bërë ndryshimin në Tiranë. Tirana vuan nga probleme madhore. Jam e vëmendshme, jam në një marrëdhënie intensive me banorët, edhe në lagjen time takohemi e flasim, qarkullojnë emra.

Unë do të mbështes atë kandidaturë që do dojë shumica e demokratëve. Pres të kem të bëj me një kandidaturë që të jetë përfaqësuese e së djathtës, të jetë me integritet moral dhe të ketë sensin maksimal të përgjegjshmërisë”, theksoi ajo.

LEXONI GJITHASHTU

• Këlliçi: PD duhet të bashkohet me të gjithë aleatët kundër Ramës
• I gatshëm për të qenë kandidat i opozitës përballë Veliajt? Përgjigjet Këlliçi
• “Kot i bën furça, Këlliçi është mbështetës i Saliut”, Bushati ironizon Lapajn