Përparon ofensiva ukrainase, rusët braktisin bastionin

Forcat ukrainase vazhduan të shtyjnë në veri në rajonin e Kharkiv dhe të avancojnë në jug dhe lindje të tij, tha të dielën shefi i ushtrisë së Ukrainës.

Deklarata erdhi një ditë pasi kundërofensiva ukrainase e shtyu Rusinë të braktiste bastionin e saj kryesor në zonë.

Presidenti Volodymyr Zelenskiy e përshëndeti ofensivën si një përparim të mundshëm në luftën gjashtëmujore dhe tha se dimri mund të ketë përfitime të mëtejshme territoriale nëse Kievi merr armë më të fuqishme.

Komandanti kryesor i Ukrainës, gjenerali Valeriy Zaluzhnyi, tha se forcat e armatosura kishin rifituar kontrollin e më shumë se 3 mijë kilometra katrorë që nga fillimi i këtij muaji.

Në disfatën më të rëndë për forcat e Moskës që kur u zmbrapsën nga periferi i kryeqytetit Kiev në mars, mijëra ushtarë rusë lanë pas municione dhe pajisje ndërsa u larguan nga qyteti i Izium, të cilin e kishin përdorur si qendër logjistike, shkruan Reuters.

LEXONI GJITHASHTU:

• Ukraina ka rimarrë 2000 kilometra katrorë territor, thotë Zelenski