Përplasen dy makina dhe një autobot pranë tunelit të Kalimashit, 2 viktima

Dy makina dhe një autobot janë përplasur pranë tunelit të Kalimashit këtë të mërkurë.

Nga aksidenti i rëndë në aksin Milot-Morinë kanë mbetur 2 viktima.

“Rreth orës 17:45, në tunelin e Kalimashit, janë përfshirë në një aksident rrugor automjetet tip “Benz” me drejtues shtetasin A. B., banues në Tropojë, automjeti tip “Ford”, ku udhëtonin shtetasit S. O., N. O., dhe I. L., banues në Kosovë, si dhe autoboti me drejtues shtetasin Sh. S., banues në Kosovë. Nga aksidenti kanë humbur jetën dy shtetas, ndërsa 3 shtetasit e tjerët po marrin mjekim  dhe ndodhen jashtë rrezikut për jetën,” thuhet në njoftimin e policisë.

Grupi hetimor po punon për përcaktimin e shkaqeve të aksidentit.

LEXONI GJITHASHTU:

• 93 aksidente rrugore në shtator, INSTAT: Në 94,6% shkaktarë shoferët
• Aksident në Kukës, makina humb kontrollin e del nga rruga, 2 të plagosur