Përplasja e eskortës të gjyqtares të Berishës, Karamuço: Asgjë e qëllimshme

Mbrëmjen e të premtes makina e Gardës së Republikës ku ndodheshin familjarë gjyqtares së GJKKO, Irena Gjoka, u përfshi në një aksident me një makinë policie, në drejtimin e të cilës ishte një efektiv nga Elbasani.

I ftuar në emisionin Review, eksperti kriminalistik Ervin Karamuço deklaroi se ngjarja është e rastësishme dhe nuk ka asnjë indicie që kemi të bëjmë me diçka të planifikuar.

Sipas tij, edhe pse gjyqtarja ka në dorë “çështjen Berisha”, hetimet e autoriteteve ligjzbatuese nuk kanë zbuluar asnjë provë që kemi të bëjmë me shantzah apo kërcënim.

“Nëse do ishte diçka e planifikuar ajo që u dyshua, mendoj se planifikimi nuk do të zgjidhte dhe kushtet atmosferike që një pellg uji të bëhej shkak për një devijim të një makine policie dhe të shkaktonte atë që shkaktoi. Për më tepër që personi në drejtimin e makinës ishte një efektiv i Policisë së Shtetit, aq më tepër me një makinë të Policisë së shtetit. Nuk mendoj se jemi përpara një shantazhi, ose tentative. Aktualisht që ne flasim kanë kaluar 24-orë, janë bërë të gjitha verifikimet dhe një ekspertizë e detajuar për këtë aksident dhe nuk ka rezultuar asgjë e qëllimshme.

Megjithatë është bërë e madhe për shkak të statusit të gjyqtres ashtu dhe të familjarëve. E kemi parë që disa prokurorë të SPAK dhe gjyqtarë kanë marrë kërcënime, por nuk mendoj se është ky rasti”, tha Karamuço.

LEXONI GJITHASHTU:

• Aksidenti i djalit të gjyqtares së Berishës, Dervishi: Informacionet që kam
• “Ishte sekret”- Plani i atentatit ndaj Nanos, Karamuço zbulon çfarë po heton policia
• Plan për vrasjen e Gledis Nano? Dervishi: Çfarë tregoi zhdukja e Ervis Martinaj