Përplasja Meta-Kryemadhi, Gjokutaj: Dy këmbanat e alarmit në Partinë e Lirisë

Anëtari i Kryesisë së Partisë së Lirisë, avokati Genc Gjokutaj, ishte i ftuar këtë të shtunë në emisionin Review në Euronews Albania, ku analizoi përplasjet Monika Kryemadhit dhe Ilir Metës në Partinë e Lirisë.

Avokati tha se lëvizjet e Metës bëhen me qëllim riorganizimin dhe riformatimin e Partisë së Lirisë.

Gjokutaj shtoi se dy këmbanat që e bëjnë sa më emergjent riorganizimin, janë zgjedhjet e 14 majit dhe arrestimi i Berishës përmes një procesi antikushtetues.

“Janë dy këmbana që e bëjnë emergjente riformatimin dhe riorganizimin e Partisë së Lirisë dhe përgatitjen për zgjedhjet e ardhshme të partisë, për të kandiduar si një parti moderne. Këto nuk mund të bëhen brenda një dite. Këmbana e parë është rezultati i zgjedhjeve. Humbësi kur është viktimë e një sistemi zgjedhor të kapur, të masakruara dhe pranuar nga ndërkombëtarët, janë prova të qënësishme për kundërshtarin politik për zgjedhjet e ardhshme. Këmbana e dytë ka qenë arrestimi i Berishës përmes një procesi skandaloz dhe antikushtetues të cilin Partia e Lirisë e ka studiuar me kujdes.

Arrestimi ndaj Berishës nuk është goditje ndaj një personi, por është një goditje ndaj liderit të opozitës”, tha Gjokutaj.

LEXONI GJITHASHTU:

• ‘Shpërthimi’ i Ilir Metës, gazetari: Qëllimi i veprimeve dhe ‘frika’ që ka kreu i PL
• Meta stërvitje në mbledhje, Caka zbulon çfarë “fshihet” pas video-ve të kreut të PL
• Nard Ndoka për ‘përplasjen’ Meta-Kryemadhi: Të majtët bëjnë show politik