‘Shpërthimi’ i Ilir Metës, gazetari: Qëllimi i veprimeve dhe ‘frika’ që ka kreu i PL

Gazetari Klevi Muka është shprehur se veprimet e fundit të kryetarit të Partisë së Lirisë, Ilir Metës, tregojnë se ai ka frikë dhe kërkon t’u tregojë qytetarëve se mund ta mbrojë votën e tyre.

Komentet Muka i bëri në emisionin “Review” në Euronews Albania, ku u diskutua rreth lëvizjeve të fundit të Metës në parti, por edhe postimeve të tij në rrjetet sociale.

Muka tha se Meta me veprimet e tij po ushqen kultin e individit, por kjo sipas tij nuk përkthehet në votë.

“Ushqyerja e kultit të individit përmes forcës apo ushtrimeve që bën, nuk kapitalizohet në votë. Kjo bëhet vetëm për të garantuar te qytetarët që vota e tyre do të mbrohet. Do të tregojë që është i fortë dhe do e mbrojë votën e qytetarëve. Është edhe i frikësuar.

Fakti që përpiqet të takojë çdokënd, t’i sigurojë që do marrë pjesë në këshille, ose ndoshta frika që ka treguar me këshilltarin që ka larguar nga puna, e ka përmendur aq shumë atë për shkak të fotove që janë hedhur në rrjetin social, saqë më tregon një lloj frike.

Apo spastrimet që ka bërë në parti, nuk e besoj ta ketë bërë për diskurs politik apo për të krijuar një armik të brendshëm. Është frikë. Do të tregojë që është i fortë dhe mund të garantojë votat. Do të rifaktorizohet”, tha Muka.

LEXONI GJITHASHTU:

• Meta stërvitje në mbledhje, Caka zbulon çfarë “fshihet” pas video-ve të kreut të PL
• Nard Ndoka për ‘përplasjen’ Meta-Kryemadhi: Të majtët bëjnë show politik