Përplasje mes 2 grupeve në RMV, arrestohet shqiptari që qëlloi me armë

Në ditën e pestë të protestës kundër propozimit francez në Shkup një pjesë e protestuesve tentuan të hynin në Çarshinë e Vjetër dhe u përleshën me shqiptarët në sheshin “Skënderbeu”.

Mijëra protestues po marshonin nga Qeveria drejt Kuvendit,  por një pjesë e tyre janë drejtuar drejt sheshit ku dhjetëra shqiptarë u kundërpërgjigjën me gurë e sende të forta.

Sipas raportimeve, një shqiptar, pronar i hotelit pranë sheshit “Skënderbeu” në Shkup, ka drejtuar armë zjarri dhe ka shtënë dy herë në ajër.

Kryetari i partisë opozitare maqedonase Hristijan Mickoski publikoi fotografinë e shqiptarit me mbishkrimin “Ky është personi që duhej të më vriste sonte”.

Sipas informacioneve, shqiptarë që nxori armën tashmë është arrestuar. Policia ka parandaluar përshkallëzimin e mëtejshëm të situatës, ndërsa protestuesit vazhduan protestën para Kuvendit.

Kreu i VMRO-DPMNE-së, Mickoski theksoi se protesta do të do vijojë dhe bëri thirrje për përkrahje sa më masive. Protestuesit kundërshtojnë propozimin francez i cili do të zgjidhte mosmarrëveshjet mes Shkupit dhe Sofjes, sipas tyre ky propozim nuk njeh gjuhën dhe historinë maqedonase.

LEXONI GJITHASHTU:

• Protesta në RMV, Mickoski akuzon një shqiptar se donte ta vriste
• Partitë në RMV grupe pune për të shqyrtuar propozimin francez