Në komisionin e ligjeve është miratuar vetëm me votat e mazhorancës ndryshimet në ligjin e prefektit. Ndryshime të cilat janë kundërshtuar nga opozita me argumentin se qeveria kërkon të kontrollojë rolin e prefektit.

“E para ka të bëjë me përcaktimin e qartë të akteve normative të organeve të vetëqeverisjes vendore të cilat janë objekt i verifikimit të ligjshmërisë nga ana e institucionit të prefektit. E dyta ka të bëjë me problematikat në lidhje me organizmat e përkohshëm në të cilat përfshihet ose drejton prefekti i qarkut. E treta, lidhet me problematikat për propozimet për emërimin dhe lirim të drejtuesve të degëve të institucioneve qendrore në nivel territori”, tha Balla.

Por opozita nuk e shikon kështu. Për deputeten Dhurata Cupi qëllimi është rritja e kontrollit të bashkive nga prefekti.

“Doni të kontrolloni ne mënyrë absolute prefektin në mënyrë që prefekti të kontrollojë bashkitë. Nuk sjell asnjë domosdoshmëri për ta ndryshuar. Unë nuk pashë risi edhe në propozimin tuaj cfarë sjell të re që nuk e kishte ligji për prefektin”, tha Çupi

Në komisionin e ligjeve ndryshimet në ligjin për prefektin morën vetëm votat e mazhorancës ndërsa opozita e kundërshtoi. Votimi i tij pritet të zhvillohet në seancën plenare të kësaj jave.

LEXONI GJITHASHTU:

• Debati për TIMS/ Salianji: Depozituam kërkesë për informacion, do presim 5 ditë…
• Ndërhyrja në Tims| Ekipi që rekrutoi Muça për të marrë të dhënat, ende në detyrë