Përplasjet jashtë Kuvendit, Noka: Regjimi po i shpall luftë opozitës

Noka shprehu shqetësimin se në sallën e senacave plenare  po përfaqësohen interesat e krimit të organizuar dhe korrupsionit, duke theksuar se opozita është në një betejë për demokracinë dhe përfaqëson popullin opozitar.

“Vazhdon regjimi ti shpallë luftë opozitës, siç e shikoni ajo sallë duhet të ishte e hapur për depuetët e opozitës. Ne jeminë betejë, jo thjesht betejë pushteti, por pa kthim për demokracinë. Ne përfaqësojmë popullin opozitar. Kjo sallë nuk është vetëm për patronazhistët, ata që kanë votuar krimin e organizuar në këtë sallë janë ata që janë pjesë e korrupsionit dhe mafies në këtë vend. A mund të pranohet kjo në Shqipërinë e vitit 2024, kjo sjellje nda opozitës? A mund të pranojmë ne që Shqipëria të trajtohet plaçkë tregu nga ana e qeveritarëve? A mund të oranojë Shqipëria të shpopullohet?”, tha Noka.

Lidhur me thirrjen e deputetes Elda Hoti në Prokurorinë e Posaçme, Noka tha se ky kallëzim është një shkelje e rregullave, pasi vetëm Garda e Republikës ka autoritetin të ndërhyjë brenda Parlamentit. Ai akuzoi Policinë e Shtetit për veprime të paligjshme dhe e quajti situatën një puç ndaj demokracisë.

“Fakti që sot deputetja elda Hoti pritet me denoncim të Policisë në SKAP-in e partisë është domethënie e frikshme. Tregon që Policia që drejtohet nga nipi i Enver Hoxhës dhe nga një trafikant siç është Proda, nuk ka asnjë tagër që të ndërhyjë brenda Parlamentit. Narkopolicia me urdhër të nipit të Enver Hoxhës dhe të narkopolicit Proda ka kallëzuar në kundërshtim me çdo ligj pse ajo ishte brenda ambienteve të Parlamentit. Ky është një puç”, u shpreh ai më tej.

LEXONI GJITHASHTU:

• Kthim pas nuk ka, Noka mbyll protestën: Sdo e shmangni dot më Surrelin
• Arrestimi i Çyrbjas dhe Salianjit, betohen në Kuvend dy deputetët e rinj nga PS e PD