Përshtati lokalin për të shitur kokainë, arrestohet pronari dhe 2 të tjerë

Policia e Durrësit ka arrestuar pronarin e një lokali dhe 2 persona të tjerë me akuzën e shpërndarjes së lëndëve narkotike.

Vladimir Kokomani, sipas policisë kishte përshtatur lokalin e tij në Maminas për përdorim droge. Në pranga ranë edhe shtetasit Besmir Isedisha dhe Leonard Kokomani.

“Shërbimet e Policisë, gjatë kontrollit të ushtruar në lokalin në pronësi të shtetasit Vladimir Kokomani në Maminas, Durrës, gjetën dhe sekuestruan në cilësinë e provës materiale një sasi lënde narkotike të dyshuar kokainë të ndarë në doza gati për shitje, një peshore elektronike që shërbente për peshimin e lëndës narkotike, 3 aparate celulare, 62.000 lekë të rinj, 900 euro dhe 100 paund, që dyshohen se janë përfituar nga shitja e lëndës narkotike”, sqaron policia.

LEXONI GJITHASHTU:

• Trafik droge në BE, GJKKO lë në fuqi dënimin me 110 vjet burg për 15 persona
• Eksperti dyshon se procesi i testit të drogës te policët mund të jetë ndërprerë